5 fevral 2011 00:44
Samir Abasov: Mənim üçün millidəki yerimi itirmək problem deyil
“Qarabağ”ın və yığma komandamızın yarımmüdafiəçisi Samir Abasov azerisport.az saytının suallarını cavablayıb.
- Millin Dubay toplanışını necə qiymətləndirirsiz?
- Öz qaydasıyla gedir. Deməzdim ki, qeyri-adi nələrsə olur. Hər gün iki məşqə çıxırıq. Bütövlükdə məşqlərimiz pis keçmir.
- Baş məşqçi Berti Foqts yığmaya xeyli oyunçu dəvət edib. Onların millinin AÇ-2012-nin seçmə mərhələsi çərçivəsindəki Belçikayla oyunlarında çıxışı mümkündürnü?
- Buna baş məşqçi qərar. Təbii ki, kim kömək edə bilirsə, o da forma geyir. Hazırda hər şey oyunçuların özündən asılıdı. Onlara nəinki hər oyunda, hər məşqdə də özlərini göstərmələri lazımdı. Belə Foqts özü hər şeyi diqqətlə izləyir və hər hazırlığa diqqət yetirir. Özünü hər gün göstərməlisən. Axı almaniyalı tələbkar məşqçidi. Əgər gənclər özlərini ona göstərə bilsələr, onda martdakı oyunda komandaya kömək edə bilərlər.
- Siz yığmanın “Metallist”ə qarşı çıxış edən azsaylı əsas heyət oyunçularından idiniz. Gənclər həqiqətənmi ümidləri doğrulda bilmədilər?
- Mən meydanda idim və ilk dəqiqələrdən hiss edirdim ki, gənclərimiz necə həyəcanlıdılar. Açıq şəkildə təcrübə çatışmazlığı hiss olunurdu. Ancaq bu, elə işdi ki, vaxt lazımdı. Əminəm ki, gələcəkdə onlara daha asan olacaq. Ancaq dediyim kimi, onlara çoxlu işləmək lazımdı. Yığmada oynamaq istəyirlərsə, qoy işləsinlər.
- Bəs siz ehiyat etmirsiz ki, yenilər gələndə sizin əsas heyətdəki yeriniz itə bilər?
- Bu ki nə vaxtsa olmalıdı. Qoy təki yaxşı, güclü, istedadlı futbolçular gəlsin. Mənim üçün bu günkü yerimi itirmək problem deyil. Axı biz futbolda daimi deyilik. Mən özüm də gözləyirəm ki, mənim yerimi nə vaxt gənclər tuta biləcək?
- Qarşıdakı Macarıstanla oyun “Metallist”lə oyundan fərqlənəcək?
- “Metallist”lə oyundan sonra səhvlərimizi analiz edirik, taktiki sxemləri sınaqdan keçiririk. Hər halda sevinirik ki, macarlarla oyuna Rəşad Sadıqovla Mahir Şükürov da gələcək. Ancaq Maksim Medvedev olmayacaq. Onun yerini başqası tutacaq. Şübhəsiz ki, bizi çox ciddi bir matç gözləyir. Axı yeni ildə ilk rəsmi yoldaşlıq oyunumuzu keçirəcəyik. Odu ki, oyuna çox ciddi yanaşırıq. Fikrimcə, yaxın günlərdə rəqibin oyununa da baxarıq.
- Siz, futbolçularının millinin düşərgəsində olmasından daim əziyyət çəkən “Qarabağ”ın üzvlərindənsiz. Düşünmürsüz ki, bu toplanışda iştirakınız Ağdam klubunun ilk altılığa düşməsi yolunda problemlər yarada bilər?
- “Qarabağ” artıq buna alışıb. Ona görə ki, əvvəllər 8-9 futbolçumuz milliyə dəvət olunardı, indi isə 4 nəfərik. Mənə elə gəlir ki, problem olmayacaq.
