7 fevral 2011 14:35
Premyer Liqada daha bir istefa
İngiltərə Premyer Liqasında daha bir istefa gerçəkləşib. Azerisport.az xəbər verir ki, “West Bromwich” rəhbərliyi italiyalı baş məşqçisi Roberto Di Matteonun qovulmasına qərar verib.
Klub prezidenti Jeremi Piç rəhbərlik olaraq çox çətin bir qərar verdiklərini bildirib: “Komandamızın elitada qalması üçün bu qərarın doğru doğru olduğuna inanırıq. Ard-arda arzulanmayan nəticələr qazanırdıq. Durumun düzələcəyinə ümid verən işarətlər az idi”.
Qeyd edək ki, 2009-cu ildən “West Bromwich”də çalışan 40 yaşlı çalışdırıcı 82 matçda 40 qələbə, 19 heç-heçəyə imza atmışdı. Çempionatın cari mövsümündə son sıralarda yer alan Albion klubu dünən keçirilən “Manchester City” ilə qarşılaşmada da 3 cavabsız qolla məğlub olmuşdu.
