8 fevral 2011 15:16
Kamran Ağayevin qapısı Neftçi üçün tilsimlənib
“Xəzər Lənkəran” 2011-ci ildə ilk rəsmi oyununu “Neftçi”yə qarşı keçirəcək. Azerisport.az xəbər verir ki, bu matç komandalar arasında ölkə çempionatlarında baş tutan 17-ci görüş olacaq.
Rəqiblərin son 5 qarşılaşmasına nəzər saldıqda “Neftçi”nin ardıcıl 5 oyundu qol həsrəti yaşadığını görmək olar. Ötən mövsümün 4 oyununda, həmçinin cari mövsümün ilk dövrəsində cənubluların qapıçısı Kamran Ağayev “Neftçi” üçün “alınmaz qala” qura bilib.
“Neftçi” cənubluların qapısına sonuncu qolunu 2009-cu il aprelin 12-də vurub. Əli Cansunun 90+1-ci dəqiqədə vurduğu qoldan sonra 450 dəqiqəlik quru seriyaya malik komanda 672 gündü bakılılardan qol buraxmır. Həmin qolu da Kamranın deyil, Dmitri Kramarenkonun buraxdığını nəzərə alsaq bu rəqiblə matçlarda Ağayevin seriyası daha uzağa gedib çıxır. “Neftçi” Kamranın qapısına sonuncu qolu 2007-ci il noyabrın 10-da vurub. Həmin matçın ilk dəqiqəsində fərqlənən Georgi Adamiyanın qolundan sonra qapıçı rəqib üçün tilsimlənib. Bu tilsim 539 dəqiqə və ya 1191 gündü.
Kamran Ağayevli “Xəzər Lənkəran” “Neftçi”yə qarşı:
10.11.2007. Xəzər Lənkəran – Neftçi – 0:1
08.11.2009. Xəzər Lənkəran – Neftçi – 0:0
17.02.2010. Neftçi – Xəzər Lənkəran – 0:0
27.03.2010. Xəzər Lənkəran – Neftçi – 0:0
01.05.2010. Neftçi – Xəzər Lənkəran – 0:0
25.09.2010. Xəzər Lənkəran – Neftçi – 1:0
