9 fevral 2011 15:09
Muğan XL-ın forvardı ilə güclənir
Təlim-məşq toplanışını Bakıda davam etdirən "Muğan" heyətini gücləndirib. Azerisport.az xəbər verir ki, salyanlılar ötən mövsümü MOİK-də keçirmiş Davud Kərimi ilə gürcü Georgi Qulordavanı rənglərinə bağlayıb.
Lakin Davudla Qulordavadan başqa daha bir neçə futbolçunun da heyətə dəvət ediləcəyi gözlənilir. Ən əsası isə, bu günlərdə “Xəzər Lənkəran”ın transferə çıxardığı Xaqani Məmmədovla müqavilə bağlanıla bilər. "Simurq"la razılaşa bilməyən futbolçunun karyerasını Salyanda davam etdirmək ehtimalı yüksəkdi.
Maraq üçün xatırladaq ki, “Muğan” bu oyunçulara kimi Samuel Barlay, Pərvin Paşayev və Hüseyn Axundovla müqavilə bağlamışdı.
