9 fevral 2011 11:22
Yığmamızın rəqibi İtaliya ilə bacarmadı
AÇ-2013-ün seçmə mərhələsində Azərbaycanın gənclərdən ibarət milli komandasına rəqib olan İngiltərə U-21 yığması dünən yoldaşlıq görüşündə qüvvəsini sınayıb. Azerisport.az xəbər verir ki, Stüart Pirsin yetirmələri İtaliyalı həmyaşıdları ilə münasibətlərinə aydınlıq gətirib.
Uzun müddət qapılarının toxunulmazlığını təmin edən komandaların duelində hesab sona bir dəqiqə qalmış açılıb. Hakimin təyini etdiyi penaltini qola çevirən italyanlar millimizin rəqibi üzərində qələbəyə seviniblər – 1:0.
Qeyd edək ki, İngiltərə ilə Azərbaycan yığması ilk görüşünü 2011-ci il sentyabrın 1-də səfərdə, cavab görüşünü isə gələn ilin 6 sentyabr tarixində Bakıda keçirəcək.
