10 fevral 2011 16:34
Rednik daha iki həmyerlisini XL-a gətirdi
"Xəzər Lənkəran" klubu qış transfer dövründə 12 futbolçunun adını PFL-ə təqdim etdiyi əlavə sifariş vərəqəsinə daxil etmişdir. Azerisport.az xəbər verir ki, onlarla yanaşı Mirça Rednik komandasına yeni gətirdiyi həkim Yurie Çeptene və məşqçi Marius Qoqalniçeanunu da rəsmən sifariş edib.
Qeyd edək ki, Rednikin özünə yeni köməkçi gətirəcəyi o qədər də gözlənilən deyildi. Lakin Boris Xetaqurovun istefaya göndərilməsindən sonra cənub klubunda rumıniyalı həkimin çalışacağı çoxdan bəlli idi. Nəhayət, rumıniyalı mütəxəssis həmyerlilərin Yurie Çeptene ilə anlaşa bilib.
Bütövlükdə "Xəzər Lənkəran"ın yeni sifariş etdiklərinin tam siyahısı belədi:
Müdafiəçilər: Şəhriyar Xəlilov, Manuel Skarlataçe, Kosmin Fransinesku, Bruno Simao Martins
Yarımmüdafiəçilər: Andrey Mureşan, Hristu Çiaku, Adrian Pit, Nicolae Musat, Julius Vobay, İbrahima Banqura, Elnur Abdullayev
Hücumçu: Viktorio Piturka
Həkim: Yurie Çeptene
Məşqçi: Marius Qoqalniçeanu
