10 fevral 2011 21:17
Emil Mpenza təkzib etdi
"Neftçi"nin belçikalı hücumçusu Emil Mpenza mətbuatda 6 aylığa sıradan çıxması ilə bağlı xəbərləri təkzib edib. Azerisport.az xəbər verir ki, o, Azərbaycana qayıdacağı tarixin bu dərəcədə gec olmayacağını bəyan edib:
"Mətbuatda 6 aylığa sıradan çıxmağım haqqında yayılan xəbərlər doğru deyil. Mən bir müddət əvvəl klubun rəsmi saytına müsahibəmdə 6 həftəyə yaşıl meydanlara qayıdacağımı bildirmişdim. Bu qüvvədə qalır. Əməliyyatdan sonra zədəmin bərpa prosesi sadəcə 6 həftə çəkəcək. Artıq həkimlərin rəyi sayəsində, sabahdan etibarən fərdi məşqlərə başlayacam. 6 həftəyə isə komandamın sıralarına qoşulacam”.
Qeyd edək ki, Belçika mətbuatı elə Mpenzanın və həkimlərinin dilindən futbolçunun 6 həftə yox, 6 ay sonra yaşıl meydanlara qayıdacağını iddia etmişdi.
