10 fevral 2011 12:44
Kruqlov Estoniya yığmasını qələbədən etdi
“İnter”in futbolçusu Dmitri Kruqlov formasını geyindiyi Estoniya milli komandasını dünənki yoldaşlıq oyununda qələbədən edib. Azerisport.az xəbər verir ki, estonlar Bolqarıstanla qarşılaşıb.
Oyun 2:2 hesabı ilə başa çatıb. Maraqlıdı ki, matçın bütün qolları penaltidən vurulub və hər iki komandanın heyətində bir futbolçu dubl edib. Belə ki, Estoniyanın heyətində 20 və 80-ci dəqiqələrdə Konstantin Vasilyev, Bolqarıstanda isə 40 və 83-cü dəqiqələrdə İvelin Popov 11 metrlik cərimə zərbəsini qola çevirib.
Estoniya yığmasının baş məşqçisi Dmitri Kruqlovu start heyətində meydana buraxıb. Lakin 90+1-ci dəqiqədə əvəzlənən oyunçu komandası 2:1 öndə olarkən, 82-ci dəqiqədə cərimə meydançasında əllə oynadığı üçün, qapılarına penalti vurulmasına səbəb olub.
