10 fevral 2011 12:53
Latviyalıların qələbəsində 4 azərbaycanlı izi
“Bakı”nın baş məşqçisi Aleksandr Starkov paytaxt klubunun çalışdırıcısı olduqdan sonra ilk dəfə eyni vaxtda işlədiyi Latviya yığmasını da oyuna çıxarıb. Azerisport.az xəbər verir ki, dünən Boliviya ilə yoldaşlıq görüşü keçirən “zolaqlılar”ın çalışdırıcısının komandası 2:1 hesablı qələbəyə sevinib. Matçda vurulan hər 3 qol penalti nəticəsində gerçəkləşib.
Starkov bu oyunda Azərbaycan Premyer Liqasında çıxış edən futbolçulara da şans verib. “Qarabağ”ın yarımmüdafiəçisi Andrey Rubinslə, AZAL-ın yeni transferi Ritus Krjauklis start heyətində meydana çıxıb. Krjauklis 90, Rubins 71-ci dəqiqəyə kimi mübarizə aparıb. “İnter”in hücumçusu Girts Karlsons isə 77-ci dəqiqədə mübarizəyə qoşulub.
