11 fevral 2011 00:37
Bakı`nın iki futbolçusu uzun müddətə sıradan çıxdı
Qış fasiləsindən sonrakı ilk Premyer Liqa oyununa hazırlaşan “Bakı” gündə 2 dəfə olmaqla klub bazasında hazırlıqlarını davam etdirir. Azerisport.az xəbər verir ki, artıq ölkəmizə dönən komandanın baş məşqçisi Aleksandr Starkov futboçuları texniki və taktiki təmrinlər üzərində çalışdırır.
Lakin “zolaqlılar” “Muğan”la oyuna itkilərlə hazırlaşır. Ernad Skuliç , Stefan Borbikoni və Rafael Əmirbəyov məqşlərdə iştirak etmirlər.
Skuliç və Borbikoninin zədələri daha ciddidir. Fevral ayının 7-də sol topuq oynağında xırda sümüklərin arasında sümük artımları səbəbindən Mərkəzi Gömrük Qospitalında cərrahiyyə əməliyyatı keçirən Skuliç 3 həftə ərzində yaşıl meydanlardan kənar qalacaq.
Stefan Borbikoninin də zədəsinin sağalması vaxt aparacaq. Sol ayağının ikinci darağ sümüyündə stress sınığı səbəbindən komandadan ayrı qalan Borbikoni intensiv məşqlərə yalnız ayın sonlarında başlaya biləcək.
