11 fevral 2011 21:04
Gəncə dörd futbolçu ilə müqavilə bağladı
“Gəncə” transfer pəncərəsinin bağlanmasına bir gün qalmış heyətini daha 4 futbolçu ilə gücləndirib. Azerisport.az xəbər verir ki, bunlardan biri Latviya millisinin oyunçusu Kristaps Grebisdi.
O, mövsümün sonuna kimi “Gəncə”yə kömək edəcək. Mərkəz hücumçusu olan bu futbolçu 1980-ci il təvəllüdlüdü və 2009-cu ildə 28 oyuna 30 qolla Latviya çempionatının rekorduna imza atıb.
“Gəncə”nin digər legioneri 1982-ci il təvəllüdlü serbiyalı Vladimir Zelenbabadı. Sonuncu klubu Serbiyanın “Zemun” klubu olan, 1.80 boya malik futbolçu müdafiə xəttində çıxış edir.
Sonuncu gün "Gəncə" daha bir təcrübəli futbolçu ilə müqavilə imzalayıb. Bundan sonra Ramazan Abbasov “Gəncə”nin formasını geyinəcək. Sonuncu klubu “Xəzər Lənkəran” olan Abbasov 6 ay+1 il şərti ilə müqavilə imzalayıb.
Ötən mövsüm 3-cü qapıçısi ilə yollarını ayıran “Gəncə” bu boşluğu bir vaxtlar U-17 milli komandamızın şərəfini qorumuş Ruslan Məcidov ilə bərpa edib. 1,6 il müddətinə müqavilə imzalayan Məcidovun sonuncu komandası İranın “Foolad” (Təbriz) klubu olub.
