12 fevral 2011 13:14
“Sübut edəcəyik ki, XL-ın qolu bir təsadüf idi”
"Neftçi"nin gənc futbolçusu Ruslan Qurbanov da sabah keçiriləcək “Xəzər Lənkəran”la prinsipial oyun öncəsi fikirlərini bildirib. Azerisport.az xəbər verir ki, bu dəfəki dueldə uğur qazanacaqlarına inamını ifadə edib:
"Mən çox xoşbəxtəm ki, "Neftçi" kimi böyük bir klubun futbolçusuyam. "Neftçi" Azərbaycanın ən köklü klubudu. Klubun rəhbərliyinə və baş məşqçi Arif Əsədova öz dərin minnətdarlığımı bildirirəm ki, onlar mənə inandılar və məni bu kluba dəvət etdilər. Burada gənclərə çox böyük önəm verilir. İndi komandamız ancaq "Xəzər Lənkəran"la oyuna köklənib. Bu oyunda qalib gələrək revanş almaq istəyirik. Biz hamıya sübut edəcəyik ki, lənkəranlıların son dəqiqədə vurduğu qol bir təsadüf idi. Biz qələbə qazanaraq xal fərqimizi 4-ə çatdırmaq istəyirik”.
