12 fevral 2011 15:00
Kamranın əvəzləyicisi Kiyev Dinamo`sunun yetirməsi oldu
“Xəzər Lənkəran” növbəti transferini də həyata keçirib. Azerisport.az xəbər verir ki, uzun müddət idi qapıçı mövqeyində yaranmış boşluğu doldurmaq üçün axtarışda olan cənub klubu nəhayət ukraynalı qolkiper Yevgen Kopili sıralarına cəlb edib.
Artıq Kamran Ağayevin əvəzedicisi olacaq yeni qapıçıyla 1 illik müqaviləyə imza atılıb.
Öncədən də xəbər verdiyimiz kimi, 24 yaşlı Kopil Ukraynanın ən tanınmış və titullu komandası olan “Dinamo” (Kiyev) futbol klubunun yetirməsidi. Karyerası ərzində “Dinamo”nun ayrı-ayrı yaş qruplarında forma geyinmiş Kopil həmçinin legoiner həyatı da sürüb. Belə ki, o, Polşanın “Zaqlebiye” (Sosnoviek) və “Zaqlebiye” (Lyubin) klublarının şərəfini qoruyub.
Kopil həmçinin 15 yaşından 20 yaşınadək müxtəlif yaş qrupları üzrə Ukrayna milli komandalarında da çıxış etdiyini qeyd etmək lazımdı. Ukraynalı qapıçının son iş yeri isə Ukraynanın “Zarya” komandası olub.
