13 fevral 2011 17:22
Qurban Qurbanov: Əfran İsmayılovun qayıdışına görə çox şadam
“Qarabağ”ın baş məşqçisi Qurban Qurbanov Premyer Liqanın qış fasiləsindən sonrakı ilk – 20-ci turunun “Qəbələ”ylə oyununa münasibətini açıqlayıb. Azerisport.az xəbər verir ki, Ağdam klubunun çalışdırıcısı 3 cavabsız qolla qələbə qazandıqları görüşdən sonra bunları dilə gətirib:
“Çempionatın yenidən başlaması münasibəti ilə hamını təbrik edirəm. Bizim üçün, bu, çox vacib oyun idi. Sevinirəm ki, qalib gəldik və ilk altılıqda oynamağı təmin etdik. “Qəbələ” yaxşı komandadı, atletik futbola üstünlük verirlər. “Altılıq”da oynamağa layiq komandadı. Düşünürəm ki, qarşıdakı oyunlarda daha yaxşı oynayıb, "altılıq"da yerlərini təmin edəcəklər. Komandamı təbrik edirəm, uşaqlar yaxşı oynadılar. Əfran İsmayılovun qayıdışına görə çox şadam”.
