13 fevral 2011 18:57
Əfran İsmayılov: Ciddi hazırlaşmışdıq
“Qarabağ”ın yarımmüdafiəçisi Əfran İsmayılov Premyer Liqanın qış fasiləsindən sonrakı ilk – 20-ci turunun “Qəbələ” ilə oyunu haqda fikirlərini bildirib. Azerisport.az xəbər verir ki, o, uzun fasilədən sonra çıxdığı və 3:0 hesabıyla qələbə qazandıqları görüşlə bağlı bunları dilə gətirib:
“Çətin oyun oldu. Ancaq biz öz sözümüzü deyə bildik. Qış fasiləsi zamanı biz Türkiyədə çox yaxşı hazırlıq prosesi keçdik. Bu oyuna da ciddi hazırlaşmışdıq. Ancaq qələbə heç də asanlıqla başa gəlmədi. Yarım ilə yaxın idi ki, zədə səbəbindən oynaya bilmirdim. Ancaq qayıdan kimi komandama fayda verə bildim. Buna görə çox şadam”.
