14 fevral 2011 02:17
“Bakı ilə oyun məndə Azərbaycan futbolu haqda müsbət təəsürat oyatdı”
Transfer müddəti ərzində bir neçə legioner futbolçunu heyyətinə cəlb edən “Muğan”ın son transferi isveçli Con Pelu oldu. Azerisport.az xəbər verir ki, 29 yaşlı forvard karyerası boyu İsveç və Norveç çempionatlarında çıxış edib.
Lakin o, bundan sonrakı 1.5 il ərzində Salyan klubunun şərəfini qoruyacaq. Onun ölkəmiz haqda fikirləri isə az maraq doğurmur:
“Ölkəniz çox gözəldi. Azərbaycana gəldikdən son Bakını bir qədər gəzdim və paytaxtınızı çox bəyəndim. Mənim üçün bu ölkədə futbol oynamaq çox xoş olacaq. Buranın insanları həqiqətən çox qonaqpərvərdi. Şənbə günü iştirak etdiyim oyun (“Bakı” ilə səfər matçını (1:1) nəzərdə tutur – red.) məndə futbolunuz haqda müsbət təəsürat oyatdı. Həqiqətən həyəcan dolu bir oyun baş tutdu. Məncə “Muğan” çox əzmkar oyun nümayiş etdirdi. Hətta hesabda önə keçmək şanslarımız da az olmadı. Lakin,düşünürəm ki, nəticəni qənaətbəxş hesab etmək olar. İndi əsas məqsədimiz növbəti oyuna hazırlaşmadı”.
