15 fevral 2011 11:26
Qəbələ Bəhramov kubokunu İngiltərədən çıxara bilmədi
“Qəbələ”nin 14 yaşa qədər futbolçulardan ibarət komandası İngiltərə turnesinə yekun vurub. Azerisport.az xəbər verir ki, sonuncu – 5-ci matçında “Sheffild United”in 15 yaşlıları ilə Tofiq Bəhramov Kuboku uğrunda mübarizə aparan təmsilçimiz bu dəfə də məğlubiyyətlə üzləşib – 1:5.
“Qəbələ”nin yeganə qolunu Ülvi İskəndərov aktivinə yazıb. Qarşılaşmadan sonra qalib tərəfə Tofiq Bəhramovun adına təsis olunmuş xatirə kuboku təqdim edilib.
Xatırladaq ki, “Qəbələ” bu matça kimi “Manchester United”, “Everton”, “Liverpool” və “Blackburn”lə də qarşılaşmış və böyük hesablarla məğlub olmuşdu.
