15 fevral 2011 11:57
Ramiz Məmmədov Belarus klubuna məğlub oldu
Həmyerlimiz Ramiz Məmmədovun çalışdırdığı Qazaxıstanın “Atırau” klubu Türkiyədə həyata keçirdiyi ikinci təlim-məşq toplanışı dövründə dördüncü sınaq matçını keçirib. Azerisport.az xəbər verir ki, azərbaycanlı məşqçilərin komandasını bu dəfə Belarusun yüksək liqa təmsilçisi olan “Torpedo” (Jodino) klubu sınağa çəkib.
Lakin “Atırau” bu görüşdən məğlub ayrılıb – 1:3. İlk yarıda iki qol vuran belaruslar fasilədən sonra daha bir dəfə fərqlənib. İkinci hissənin əvvəlində daha bir qol buraxan həmyerlilərimizin komandası yalnız 56-cı dəqiqədə baxışda olan argentinalı Xose İqnasio Leonun sayəsində təsəlli qoluna imza ata bilib.
