16 fevral 2011 11:38
Neftçi`nin iki oyunu təxirə salındı
Premyer Liqada çıxış edən klubların əvəzedici heyətləri arasında təşkil olunan ölkə çempionatında iki oyun təxirə salınıb. Azerisport.az xəbər verir ki, “Neftçi”nin qarşıdakı iki turda baş tutacaq oyunlarının tarixi dəyişdirilib.
Buna səbəb isə 14 fevral 2011-ci il tarixindən 24 fevral 2011-ci il tarixinə kimi “Neftçi”nin 4 üzvünün 19 yaşlılardan ibarət Azərbaycan milli yığma komandasının heyətində Türkiyədə keçirilən təlim məşq toplanışında olması göstərilir. Məhz bunu nəzərə alan PFL prezidenti Ramin Musayevin əmrinə əsasən 22-ci turun “Neftçi” – MOİK matçı 24 fevral 2011-ci il (cümə axşamı) tarixindən 27 fevral 2011-ci il (bazar) tarixinə, 21-ci turun “Simurq” – “Neftçi” matçı isə 18 fevral 2011-ci il (cümə) tarixindən 5 mart 2011-ci il (şənbə) tarixinə keçirilib.
