17 fevral 2011 17:01
Bakı`ya daha bir zərbə
Premyer Liqanın cari mövsümündə heç cür özünə gələ bilməyən və ilk altılıqdan kənar qalmaq təhlükəsiylə üz-üzə olan “Bakı” daha bir ciddi itkiylə üzləşib. Azerisport.az xəbər verir ki, komandanın hollandiyalı yarımmüdafiəçisi Adnan Bərəkət Premyer Liqanın 21-ci turunun “Turan”la qarşılaşmasında forma geyə bilməyəcək.
“Zolaqlılar”ın dünənki məşqində əzələsini dartan Bərəkət 1 həftə ərzində müalicə olunacaq. Qeyd edək ki, “Bakı”nı hazırda əsl zədə epidemiyası bürüyüb. Bərəkətdən öncə Aleksandar Soliç də “Muğan”la oyunda aldığı zədə səbəbindən 3 həftə yaşıl meydanlardan kənarda qalacaq. Bununla da daha əvvəl zədələnən və əməliyyat olunan Ernad Skuliç, müalicə alan Stefan Borbikoni və əzələsini dartan Rafael Əmirbəyovun sırasına daha bir futbolçu qoşulub.
