17 fevral 2011 11:48
Qyoko Haciyevski: Neftçi`yə sürpriz etmək istəyirik
“Simurq”un makedoniyalı baş məşqçisi Qyoko Haciyevski azerisport.az saytına müsahibəsində son oyunlarından, qarşıdakı görüşlərdən və şanslarından danışıb.
- Komanda “Neftçi” ilə oyuna necə hazırlaşır?
- Çox ciddi hazırlaşırıq. Bu oyunda Tofiq Mikayılovla Emin Quliyev də bizə kömək edə biləcək. Öz azarkeşlərimizdən də dəstək gözləyirik.
- Ancaq Fərid Quliyev oynamayacaq...
- Əlbəttə, çox təəssüf ki, belədi. Çox istərdik ki, onu da meydanda görək, ancaq ortalıqda razılıq var.
- “Simurq” bu oyunda nəyə hesablanıb?
- Onlar favoritdi. Biz isə turnir cədvəlində öz həyatımızı xilas etməklə məşğuluq. Aydın məsələdi ki, situasiyalar tam fərqlidi, amma biz “Neftçi”yə sürpriz etmək istəyirik. Bizim yeganə problemimiz təcrübəsizliklə bağlıdı.
- Bu “İnter”lə oyunda da aşkar görünürdü...
- Biz daha çox qol vəziyyəti yaradırdıq, nəinki rəqib. Ancaq son anda məhz təcrübəmizin azlığı həmin vəziyyətləri qolla tamamlamağımıza mane olurdu.
- “Neftçi”nin “Xəzər Lənkəran”a qarşı oyununu görmüsüz?
- Bəli, məlum səbəblərdən mən də bu oyunu izlədim.
- Siz ötənilki rəqibinizlə hazırkı komanda arasında hansısa fərqlər gördünüzmü?
- “Neftçi” Flavinyonun zədələnməsinə kimi daha mobil komanda təsiri bağışlayırdı, həmçinin Mpenza da sırada idi. Komanda hücumlarda daha fəal görünürdü. Amma indi braziliyalı əvvəlki formasından uzaqdı, belçikalı isə ümumiyyətlə yoxdu.
- Bunun sizə nəsə faydası olacaq?
- “Neftçi” onlarsız da bizdən güclüdü. Axı onların heyətində İqor Mitreski, Slavko Georgiyevski kimi futbolçular var. Hər halda şənbə günü çox maraqlı oyun olacaq. Azarkeşlərimizi “Neftçi” ilə oyundakı sürprizlə sevindirmək istəyirik.
