19 fevral 2011 12:32
Manchester United qoca futbolçusunu daha bir il saxlayacaq
İngiltərənin “Manchester United” klubu, əfsanəvi oyunçularından olan Uelsli Rayan Giqqzin sözləşməsini daha bir illiyinə uzadıb. Azerisport.az xəbər verir ki, 2011-12 mövsümünün sonunda bitəcək müqavilə sayəsində Giqqz, “Manchester United” formasıyla 21-ci mövsümünü keçirmiş olacaq.
Rəsmi sözləşməni imzaladıqdan sonra açıqlama verən 1973-cü il təvəllüdlü təcrübəli futbolçu sevincini belə bildirib: “Daim “Manchester United” üçün oynamağın xəyalını qurmuşdum. Bu xəyalımı gerçəkləşdirdim və 20 ildi buradayam. Hələ də komandanın uğurlarında pay sahibi olmağımı görmək gözəldi. Bu qədər gənc oyunçunu olduğu halda, komandada qalmaq həyəcanvericidi”.
Qeyd edək ki, 1987-ci ildə “Manchester United”in aşağı yaş qruplarında çıxış etməyə başlayan Giqqz “qırmızı şeytanlarla” ilk peşəkar müqaviləsini 1990-cı ildə imzalamışdı. Uelsli futbolçu “Manchester United” formasıyla 11 dəfə Premyer Liqa, iki dəfə isə Çempionlar Liqasının qalibi olub.
