20 fevral 2011 00:44
Zaur Məmmədov: Hətta baş hakim də onun səhvlərini təsdiqlədi
“Simurq”un prezidenti Zaur Məmmədov Premyer Liqanın 21-ci turunun “Neftçi” ilə ev oyunundakı darmadağınla (0:3) bağlı fikirlərini açıqlayıb. Azerisport.az saytına müsahibəsində Zaqatala klubunun rəhbəri bunları dilə gətirib:
“Oyunun əvvəlindən baş açmaq olmurdu ki, laynsman nə istəyir. Bu adam qapımıza vurulan ilk qol zamanı ikimetrlik ofsayd epizodunu görməməzliyə vurdu. Bu, heç də yeganə səhv olmadı. Oyun vaxtı mən emosiyalarımı saxlayırdım. Ancaq oyundan sonra baş hakim Elçin Məmmədovla birgə mübahisəli epizodlara baxırdıq. Hətta o da mənlə razılaşdı. Elçinin özündə mən günah görmürəm. Onun kiçik səhvləri olsa da, bu, nəticəyə qətiyyən təsir göstərmədi. Ancaq yan xətt hakimi tam fərqli məsələdi. Biz özümüz uzağı minimal hesabla uduza bilərdik. Tutaq ki, hakimi 4 oyunluq cəzalandırdılar. Nə dəyişəcək ki? Bizim üçün heç nə”.
