21 fevral 2011 02:27
Klaudio Ranyeri istefa verdi
Son dövrlər ardıcıl uğursuzluqlar yaşayan və dünən “Genoa” səfərində 3:0 öndə olduğu qarşılaşmadan məğlub ayrılan İtaliyanın “Roma” klubunun baş məşqçisi Klaudio Ranyeri istefa verdiyini açıqlayıb. Azerisport.az xəbər verir ki, 3:4 hesabıyla məğlub olduqları görüşdən sonra media qarşısına çıxan təcrübəli italiyalı mütəxəssis qərarını rəsmən bəyan edib.
Lakin hələlik, klub rəhbərliyi Ranyerinin istefa qərarını qəbul etmədiyini bəyan edib. Hər şeyə bu gün aydınlıq gələcək. Onun istefası qəbul olunsa, yeni məşqçi axtarışlarına start veriləcək. Ranyerini əvəzləməyə çoxsaylı mütəxəssislərin adı çəkilsə də, heç biri rəsmi deyil.
Maraq üçün onu da bildirək ki, “Roma” hazırda 25 oyundan sonra topladığı 39 xalla 8-ci pillədə qərarlaşıb. Çempionlar Liqasında isə doğma meydanda “Shakhtar”a 2:3 hesablı yenilgidən sonra, 1/4 finala vəsiqə qazanmaq şansları çox azdı.
