21 fevral 2011 15:26
Elnur Abdullayev XL-ın tarixinə düşdü
Azərbaycan Premyer Liqasının 21-ci turunun AZAL-la oyununda vurulan ilk qol “Xəzər Lənkəran” üçün əlamətdar olub. Azerisport.az xəbər verir ki, bu, cənub komandasının ölkə çempionatlarında yubiley – 300-cü qolu olub.
Bu yubiley topunu rəqib qapısından 45+2-ci dəqiqədə Elnur Abdullayev keçirib. 2004/05 mövsümündə çempionatda debüt edən “Xəzər Lənkəran” bu matçadək 299 dəfə fərqlənmişdi. Ötən turun “Neftçi” ilə oyununda yubileyi təxirə salan komanda tarixi qolu doğma azarkeşlərin gözü qarşısında rəqib qapısından keçirdi. Futbolçular çempionatdakı yubiley qollarını səfərdə vurmağa adət etsə də 2-ci dəfə tarixi qol Lənkəranda qeydə alındı.
Çempionatdakı yubiley qolları
1. 07.08.2004 Turan – XL – 1:1 Çöri İlir, 26
50. 03.05.2005 XL – Ədliyyə – 6:1 Martin Stankov, 36
100. 29.09.2006 Gənclərbirliyi – XL – 0:3 İlqar Qurbanov, 8
150. 02.09.2007 ABN – XL – 0:4 Zaur Ramazanov, 14-p.
200. 26.09.2008 MOİK - XL – 0:4 İvan Svetkov, 34-p.
250. 29.11.2009 Bakı - XL – 0:3 İvan Svetkov, 57-p.
300. 20.02.2010 XL – AZAL – 2:1 Elnur Abdullayev, 45+2
Qeyd edək ki, texniki qələbə üçün verilən 3:0 hesablı nəticə top sayında nəzərə alınmır.
