21 fevral 2011 19:58
Turan`ın iddiası yalan çıxdı (FOTO)
"Turan" Peşıkar Futbol klubu əvəzedici komandalar arasında keçirilən "Turan" - "Bakı" qarşılaşmasından sonra paytaxt təmsilçisinin 2 nömrəli futbolçusu Orxan Əsədovun sənədlərinin qaydasında olmadığı, iştirak ərizəsində adı olmayan futbolçunun meydanda yer alması iddiası ilə Peşıkar Futbol Liqasına şıkayətlə müraciət etmişdi. Azerisport.az xəbər verir ki, “zolaqlılar” da öz növbəsində Orxan Əsədovla bağlı açıqlamasında bu iddianın əsassız olduğunu bildirərək onun şəxsiyyət vəsiqəsi, kamal attestatı və PFL tərəfindən verilən oyunçu lisenziyasının şəkillərini yaymışdı.
Bu gün isə Peşəkar Futbol Liqasına "Turan"ın icraçı direktoru Rasim Əliyev tərəfindən imzalanmış daxil olan 21 fevral 2011-ci il tarixli 61 saylı məktubda Tovuz klubunun iddiası əsasında məsələnin araşdırıldığını, texniki səhv nəticəsində PFL rəsmi internet səhifəsində səhvən Orxan Əsədovun adının Ayxan Əsədov kimi qeyd olunduğu aşkarlanmışdır. AFFA-nın rəsmi orqanı olan "Futbol Dünyası" qəzetinin 089-cu sayında əvəzedici komandaların iştirak ərizəsində futbolçu sənədlərinə uyğun olaraq Orxan Əsədov kimi qeyd olunduğunu nəzərə alinib. Haqqında sönbət gedən texniki xəta isə aradan qaldırılıb.
Bunları nəzərə alan "Turan" futbol klubu iddiasını geri götürmək barədə rəsmən Peşəkar Futbol Liqasına müraciət edib. Bununla da Orxan Əsədovun "Bakı" futbol klubunun əvəzedici komandasında tam hüquqi əsaslarla oynadığı təsdiq olunub.
