21 fevral 2011 20:28
İkisi qayıtdı, daha biri sıradan çıxdı
“Bakı” Premyer Liqanın təsnifat mərhələsinin sonuncu – 22-ci turunun AZAL ilə oyununun hazırlıqlarına start verib. Azerisport.az xəbər verir ki, bu günün baş məçqçi Aleksandr Starkovun başçılığı altında keçirilən yeganə məşqinə Aleksandar Soliç, Ernad Skuliç, Stefan Borbikoni və Juninyodan başqa bütün futbolçular qatılıblar.
Qeyd edək ki, "Turan" - "Bakı" qarşılaşmasının 72-ci dəqiqəsində zədələnərək əvəzlənən Juninyo bu gün həkim müayinəsindən keçirilib. Braziliyalı yarümmüdafiəçinin əzələsinin dartıldığı və 10 gün ərzində məşqlərə qatıla bilməyəcəyi açıqlanıb. Aleksandar Soliçin 10 gün, Ernad Skuliçin isə bir həftə sonra məşqlərə başlayacağı, Stefan Borbikonin isə gələn həftədən etibarən heyətə qayıdacağı bildirilir.
Komandanın bu gün klub bazasında baş tutan məşqinə zədəsini sağaldan Rafael Əmirbəyovun qayıtması yaxşı xəbərlər arasındadı. Eyni zamanda zədə səbəbindən "Turan" oyununda forma geyə bilməyən Adnan Bərəkət də fərdi məşqlərə başlayıb.
