21 fevral 2011 12:09
Rusiyada top qovan 9 futbolçu Azərbaycan yığmasında
Xəbər verdiyimiz kimi, fevralın 27-dən martın 6-a qədər Türkiyənin Antalya şəhərində 17 yaşadək futbolçulardan ibarət Azərbaycan yığmasının təlim-məşq toplanışı keçiriləcək. Azerisport.az xəbər verir ki, U-17 martın 7-dən 12-dək İzmir şəhərində təşkil olunacaq beynəlxalq turnirdə də iştirak edəcək.
Artıq komandamızın heyətinə dəvət olunmuş futbolçuların siyahısı da müəyyənləşib. Onları diqqətinizə çatdırırıq:
Fuad İslamzadə, Coşqun Diniyev, Qurbanəli Əliyev, Adil Nağıyev (hamısı “İnter”), Sadiq Quliyev, Şirməhəmməd Məmmədov, Elvin Camalov (hamısı “Qəbələ”), Emil Həşimov, Ramin Şirinov (hər ikisi “Qarabağ”), Kənan Manafov, Eyyub Əliyev (hər ikisi Neftçi”), Kamran Abdullazadə (Xəzər Lənkəran), Polad Mirzəzadə (Bakı), İsmayıl İsmayılov (Lokomotiv, Moskva, Rusiya), Orxan Əliyev (Elektroavtomatika, Stavropol, Rusiya), Ruslan Nəsirli (Maşuk KMV, Pyatiqorsk, Rusiya), Rüstəm Əsgərov (Tekstilşik, İvanovo, Rusiya), Nurlan Şiriyev (Rostov, Rusiya), David Qarayev (İnter, Moskva, Rusiya), Ruslan Abdullayev (Torpedo, Moskva, Rusiya), Ələkbər Bayramov (Sokol, Saratov, Rusiya), Elmin Həsənov (Zenit, Sankt-Peterburq, Rusiya).
