22 fevral 2011 00:12
Haciyevski: Arif Əsədovun reaksiyası mənim üçün anlaşılmazdı
"Simurq”un baş məşqçisi Qyoko Haciyevski “Neftçi”dəki həmkarı Arif Əsədovun açıqlamalarının onun üçün anlaşılmaz olduğunu bəyan edib. Azerisport.az saytına müsahibəsində makedoniyalı çalışdırıcı Zaqataladakı oyundan sonra paytaxt klubunun çalışdırıcısının verdiyi açıqlamalara münasibət bildirərkən, bunları dilə gətirib:
“Mən “Neftçi” barədə heç bir artıq söz deməmişəm nə də qarşıma elə bir məqsəd qoymamışam. Bu kluba da hörmətim var, orda işləyən mütəxəssislərə də. Matçdan sonra biz Ariflə normal sağollaşdıq, qucaqlaşdıq, bir-birimizə uğurlar arzuladıq. Bir müddət öncə “Neftçi”dən ayrılmış Böyükağa Ağayev də bizdə çalışır. Belə reaksiya mənim üçün sadəcə anlaşılmazdı. Mən yenə də həmin fikrimdəyəm ki, həmin iki qol mübahisəli idi. Eyni zamanda hesab edirəm ki, həmin oyunda “Neftçi” bizdən güclü idi”.
