22 fevral 2011 00:15
UEFA-dan Cennaro Qattuzoya sərt cəza
UEFA-nın Nizam-İntizam Komitəsi İtaliyanın “Milan” klubunun yarımmüdafiəçisi Cennaro Qattuzonu cəzalandırıb. Azerisport.az xəbər verir ki, bu oyunçunun Çempionlar Liqasının 1/8 final mərhələsinin Milanda baş tutan “Tottenham” (İngiltərə) ilə qarşılaşmasındakı davranışları sərt cəzaya layiq görülüb.
Qattuzo intizamsız hərəkətlərinə görə düz 4 qitəmiqyaslı oyunda forma geyə bilməyəcək. UEFA “Milan”ın futbolçusunun yol verdiyi hərəkətləri demək olar ki, kifayət qədər sərt qiymətləndirib.
Maraq üçün xatırladaq ki, o, “Tottenham”lə görüşün 76-cı dəqiqəsində rəqib komandanın məşqçisi Co Cordana qarşı kobud hərəkətə yol vermişdi. Lakin bununla kifayətlənməyən dəlisov futbolçu 0:1 hesabıyla uduzduqları qarşılaşmadan dərhal sonra onunla haqq-hesab çəkməyə tələsmiş, hətta ona başla zərbə vurmaq istəsə də, buna imkan verməmişdilər.
