23 fevral 2011 15:21
XL-dan İnter`lə oyun öncəsi azarkeşlərinə çağırış
“Xəzər Lənkəran” Premyer Liqanın təsnifat mərhələsinin sonuncu turunun “İnter”lə oyunu öncəsi azarkeşlərinə müraciət ünvanlayıb. Azerisport.az xəbər verir ki, cənub təmsilçisi klubun rəsmi saytı vasitəsilə yaydığı açıqlamada tərəfdarlarının çempionla oyuna 30 dəqiqə tez gəlməsini xahiş edib.
“Premyer Liqanın 22-ci turu çərçivəsində Bakının “Şəfa” stadionunda fevralın 27-də baş tutacaq “İnter” – “Xəzər Lənkəran” görüşündən əvvəl meydan sahibləri təntənəli tədbir keçirməyi nəzərdə tutublar. Bununla əlaqədar azarkeşlərin stadiona oyundan 30 dəqiqə əvvəl, yəni saat 15:30 üçün gəlmələri məqsədəuyğundu” – deyə müraciətdə bildirilir.
Lakin maraqlıdı ki, son çempionun bu tədbirinin nə məqsəd daşıdığı barədə paytaxt klubu heç bir məlumat yaymayıb.
