23 fevral 2011 00:26
Jaba: Bu şansi əldən verməyəcəyik
"Bakı”nın braziliyalı hücumçusu Jaba əsas komandaya qayıdışı, “Turan”la oyun, vurduğu qələbə qolu , AZAL-la həlledici qarşılaşma barədə sualları cavablandırıb. Azerisport.az həmin müsahibəni diqqətinizə çatdırır.
- Əsas komandaya qayıdışın haqda nə deyə bilərsən ? Əvəzedici komandada formanı itirməmisən?
- Əvəzedici komanda da olanda məşqçilər formamın itməməsi üçün mənə və Leoya (Roşanı nəzərdə tutur – red.) ayrı güclü məşq keçirdilər. Buna baxmayaraq idman formamı qoruya bilmədim. İndi əsas komandadayam və yenidən əvvəlki gücümü bərpa edirəm. İnaniram ki, oyundan oyuna daha yaxşı oynadığımı görəcəksiniz.
- Qayıdışını qolla qeyd etdin...
- Qələbə qolunu mən vursam da, qələbə bütün heyətin birlikdə mübarizəsi nəticəsində qazanıldı. Mən, ümümiyyətlə, digər oyunlarda da vurduğum qollara görə yox, komandamızın qələbə qazanması üçün sevinirəm. İnanıram ki, baş məqçimizin güclü məşqləri ilə daha yaxşı oynayıb, qələbələr qazanacağıq.
- Növbədə AZAL-la oyundu. Bu oyun haqda nə fikirləşirsən?
- AZAL-la oyun çətin olacaq. Ancaq əminəm ki, bu oyunda qələbə bizim olacaq. “Qəbələ”nin xal itirməsindən sonra şansımız daha da artdı. İndi hər şey öz əlimizdədi. Bu oyunda meydanda döyüşüb, qələbə qazanmalıyıq. Bizim əsas məqsədimiz ilk altılığa düşməkdi. Bunu üçün AZAL-la oyunda heç-heçə də kifayət edir. Bu şansi əldən verməyəcəyik.
- AZAL-la oyunda səndən qol gözləyək?
- Oyunun nəcə keçəyini əvvəldən bilmək olmaz. Əgər şans yaranarsa, qol da vuracam.
- “Bakı”nın azarkeşlərinə nə sözün var?
- Azarkeşlərin oyunlarımıza gəlmələrini istəyirəm. Əlbətdə ki, onları hər oyun tribunalarda görəndə sanki bizim də gücümüz artır. Biz onları 12 oyunçu sayırıq. Bu oyunda da azarkeşlərimizin komandamızı dəstəkləməsini arzu edirəm. Biz bir olub, “altılığ”a vəsiqə qazanacağıq və medallar uğrunda mübarizə aparacağıq.
Mənbə: "Bakı"nın rəsmi saytı
