24 fevral 2011 12:58
Joze Alesio: Qazaxıstana qalib gəlməliyik
Futzal üzrə Azərbaycan yığmasının baş məşqçisi Joze Alesio bu gün Bakıda startı verilən Avropa çempionatının seçmə mərhələsinin 1-ci qrupunun oyunları öncəsi fikirlərini açıqlayıb. Azerisport.az saytına açıqlamasında braziliyalı mütəxəssis ilk oyun günündə qarşılaşacağımız Qzaxıstanla görüşlə bağlı bunları dilə gətirib:
“Qazaxıstanla qarşılaşma bizim üçün çox vacib bir oyundu. Qələbə qazanmaq lazımdı. Rəqibi təzyiq altında saxlamağa çalışacağıq ki, istəyimizə nail olaq. Ancaq təbii ki, rəqibimizin də öz hesabları var və bura uduzmaq üçün gəlməyiblər. Biz onlara hörmətlə yanaşmağa borcluyuq. Ancaq turnir cədvəli baxımından bizim əsas işimiz qələbə qazanmaq və mümkün qədər üst pillələrdə yer almaqdı”.
