24 fevral 2011 20:47
Venansio Lopes razı, Pyer Jak narazı qaldı
Bu gün startı verilən futzal üzrə Avropa çempionatının seçmə mərhələsinin Bakıda baş tutan 1-ci qrupunun İspaniya – Fransa görüşündən sonra komandaların baş məşqçiləri fikirlərini dilə gətirib. Azerisport.az xəbər verir ki, son Avropa çempionu ispanların 4 cavabsız qolla qələbə qazandığı görüşdən sonra onların baş məşqçisi Xose Venansio Lopes bunları bildirib:
“Oyun bizim nəzarətimiz altında keçdi. Elə də çətinlik çəkmədik. Axı rəqib elə də güclü deyildi. Biz bura qələbə qazanmağa gəlmişdik”.
Turnirə məğlubiyyətlə start verən fransızların çalışdırıcısı Pyer Jak isə bunları söyləyib: “Belə rəqibə qarşı oynamaq bizim üçün çox mühüm məqam idi. Axı biz hələ bu idman növündə kiçik ölkələrdənik. Nəticə elədi ki, biz ondan razı qala bilmərik. Növbəti oyunumuzda Azərbaycana qarşı çıxışımız da çətin olacaq. Hesab edirəm ki, Azərbaycan və İspaniya AÇ-2012-də çıxış edə bilər”.
