25 fevral 2011 19:36
Arif Əsədov üçün komandasının ən zəif, Əliyev üçün ən yaxşı oyunu
Premyer Liqanın bu gün baş tutan 22-ci turunda “Neftçi” doğma meydanda MOİK üzərində minimal hesablı qələbə qazanaraq, təsnifat mərhələsini çempion kimi başa vurdu. Azerisport.az xəbər verir ki, qarşılaşmadan sonra hər iki komandanın baş məşqçisi görüşlə bağlı fikirlərini dilə gətiriblər:
Ramil Əliyev, MOİK-in baş məşqçisi: “Premyer Liqanın liderinə qarşı mübarizə aparırdıq. “Neftçi”nin əsas heyətinin bir neçə futbolçusu oynamırdı. Fikrimcə, bu gün ən yaxşı oyunlarımızdan birini göstərdik. Hesab 1:0 olarkən qol imkanından istifadə edə bilmədik. Xaqani Məmmədov zədəsini sağaldıb heyətə qoşulandan sonra tam başqa MOİK görəcəksiz. Komandamdan razı qaldım, dəyişikliklər bəhrəsini verdi”.
Arif Əsədov, “Neftçi”nin baş məşqçisi: “Qalib gəlməyimizə baxmayaraq, çətin oyun oldu. Autsayder komandalarla oyuna köklənmək həmişə çətindi. Heyətə düşə bilməyən futbolçulara şans verdik. Bu Premyer Liqada ən zəif oyunlarımızdan biri idi. 3 xalı qazandıq, qalib gəldik. Premyer Liqanın təsnifat mərhələsini ilk pillədə başa vurduq. Komandanın rəhbərliyini və azarkeşləri təbrik edirəm”.
