25 fevral 2011 22:23
Millimiz Fransa ilə oyunda qələbə qazansa da... (YENİLƏNİB)
Bu gün futzal üzrə Avropa çempionatının Bakıda təşkil olunan əsas seçmə mərhələsinin ikinci turunun oyunları keçirilib. Azerisport.az xəbər verir ki, Bakı İdman Sarayında baş tutacaq ikinci oyun günündə yığmamız Fransa millisiylə, digər rəqibləri - ispanlarla qazaxlar isə öz aralarındakı münasibətlərə aydınlıq gətiriblər.
Günün ilk matçında qrupumuzun favoriti İspaniya qazaxlarla görüşdə yenə inamlı qələbə qazanıb. Yığmamız isə ispanların asanlıqla sıradan çıxardığı fransızlar üzərində bir qədər çətin qələbəyə sevinib. Buraxılan iki qol da ürəkaçan olmayıb. Axı topların daha yaxşı fərqinə görə ispanlara uduzuruq.
Maraq üçün xatırladaq ki, ilk oyun günündə ispanlar Fransanı 4 cavabsız qolla keçmişdi. Azərbaycan millisi isə qazaxlardan 6:3 hesabıyla üstün olmuşdu.
Qeyd edək ki, qitə çempionatının final mərhələsinə əsasən qrup qalibləri və ən yaxşı 5 qrup ikincisi gedəcəyindən, Joze Alesionun yetirmələri doğma meydan amilindən yararlanıb, mütləq birinci yeri tutmalıdı.
AÇ-nin seçmə mərhələsi
1-ci qrup
25 fevral
QAZAXISTAN – İSPANİYA - 0:5
Qol: Alonso, 3 (0:1), Xose Ruis, 7 (0:2), Rafa Usin, 24 (0:3), Alemao, 26 (0:4), Alemao, 40 (0:5).
AZƏRBAYCAN – FRANSA - 4:2
Qol: Biro Jade, 3 (1:0), Serjio, 17 (2:0), Basson, 18 (2:1), Biro Jade, 34 (3:1), Borisov, 35 (4:1), Otmani, 37 (4:2).
| 1 | İspaniya | 2 | 2 | 2 | 0 | 9 | - | 0 | 6 |
| 2 | Azərbaycan | 2 | 2 | 0 | 0 | 10 | - | 5 | 6 |
| 3 | Fransa | 2 | 0 | 0 | 2 | 2 | - | 8 | 0 |
| 4 | Qazaxıstan | 2 | 0 | 0 | 2 | 3 | - | 11 | 0 |
