25 fevral 2011 00:01
Joze Alesio: Bu amil əleyhimizə işləyə bilər
Futzal üzrə Avropa çempionatının əsas seçmə mərhələsinin 1-ci qrupunda bu gün keçirilmiş Azərbaycan – Qazaxıstan oyununundan sonra təşkil olunmuş mətbuat konfransında millimizin baş məşqçisi Joze Alesio Da Silva və rəqibimizin çalışdırıcısı Amirzan Mukanov fikirlərini bildirib. Azerisport.az xəbər verir ki, braziliyalı mütəxəssis komandasının 6:3 hesablı qələbəsini belə dəyərləndirib:
“Vaxtilə Qazaxıstanda işlədiyimdən rəqibin güclü olduğunu bilirdim. Komanda gənc futzalçılardan qurulub. Doğma meydanda oynadığımızdan, üstünlük bizim tərəfimizdə idi. Qol buraxmağımız yaxşı olmadı. İspaniya yığması ilə oyunda bu amil əleyhimizə işləyə bilər”.
Qazaxıstan yığmasının baş məşqçisi Amirzan Mukanov isə bunları söyləyib: “Azərbaycan millisi güclü rəqibdi. Standart vəziyyətlərin, xüsusilə də künc zərbələrinin yerinə yetirilməsi üsulları üzərində yaxşı çalışıblar. Qolları da bu imkanlardan istifadə edib vurdular”.
