26 fevral 2011 01:14
Əhmədovla Jusilyev Şükürovun komandasında
Millimizin üzvü Mahir Şükürovun çıxış etdiyi, Vaqif Sadıqovla Emin Ağayevin çalışdığı Rusiyanın “Anji” klubu yeni mövsüm ərəfəsində növbəti transferini reallaşdırıb. Azerisport.az xəbər verir ki, Mahaçqala klubu Daşkənd “Paxtakor”unun yarımmüdafiəçisi Odil Əhmədovu sıralarına qatıb.
Qeyd edək ki, Özbəkistan yığmasının da şərəfini qoruyan futbolçu qarşıdakı bir il ərzində Mahirə komanda yoldaşı olacaq. Lakin tərəflər onun keçidini icarə əsasında reallaşdırıblar. Qeyd edək ki, Əhmədov 2009-cu ildə Özbəkistanda ilin ən yaxşı futbolçusu seçilib ki, jurnalistlər arasındakı səsvermə zamanı o, hətta braziliyalı məşhur futbolçu Rivaldonu da qabaqlamağı bacarıb. Universallığı ilə seçilən futbolçu həm yarımmüdafiə, həm də müdafiə xəttində oynamağı bacarır. Özbəkistan millisində 38 oyuna6 qol vurub.
Yeri gəlmişkən, artıq “Anji”nin xeyli müddətdi yolunu gözlədiyi Braziliyanın “Corinthians” klubunun 22 yaşlı mərkəz yarımmüdafiəçisi Jusiley də Mahaçqala klubunun düşərgəsinə qoşulub.
