26 fevral 2011 13:44
Venansio Lopes: Azərbaycanla oyunda şanslarımız bərabərdi
Futzal üzrə İspaniya yığma komandasının baş məşqçisi Xose Venansio Lopes azerisport.az saytının suallarını cavablayıb.
- Seçmə mərhələnin ilk iki turunu necə dəyərləndirərdiz?
- Birinci oyun ikincidən fərqlənirdi. Məsələn, Fransayla oyunda rəqib daha çox müdafiə olunmağa üztünlük verirdi, nəinki qol vurmağa. Qazaxıstan isə həm müdafə olunmağa, həm də hücumlar qurmağa çalışırdı. Ona görə qazaxlarla oyun daha maraqlı alındı.
- Qrupdakı son oyunda rəqibiniz olan Azərbaycan yığması haqda nə deyə bilərsiz?
- Hələlik dəqiq heç nə deyə bilmərəm. Öncə biz onlarla oynamalıyıq. Məhz həmin oyundan sonra mən azərbaycanlıların oyununa qiymət verə bilərəm. Ancaq bütövlükdə komanda son Avropa çempionatında 4-cü yeri tutan heyətini saxlayıb. Azərbaycan əla müdafiə olunmağı bacarır, gözəl hücumlar qurur. Onlarda bir az anlaşma aşağı səviyyədədi. Ümumiyyətlə, mən hesab edirəm ki, Azərbaycan yığması qitənin ən yaxşı komandalarından biridi. Bu komanda hər il inkişaf edir.
- Azərbaycanla oyunda sizi qələbə qane edir, yoxsa heç-heçəni də normal nəticə sayacaqsız?
- Biz daim qələbə üçün oynayırıq. Ancaq mənə elə gəlir ki, bu oyunda hər iki komanda eyni səviyyəli oyun sərgiləyəcək. Maraqlı oyun olacaq. Çalışacağıq ki, qələbə qazanaq.
- Azərbaycan millisində hansı oyunçuların çıxışını fərqləndirərdiz?
- Azərbaycanın əla qapıçısı var. Andrey Tveryankindən heç də geri qalmayan Serjao, Felipe, Fərzəliyev, Tyaqo, Maşado, Borisov var. Məhz bunların sayəsində Azərbaycan millisi yüksək səviyyəli oyun sərgiləməyi bacarır.
