26 fevral 2011 00:01
İspanların baş məşqçisi yığmamızı dəyərləndirdi
Futzal üzrə Avropa çempionatının Bakıda keçirilən seçmə mərhələsinin İspaniya və Qazaxıstan arasındakı qarşılaşmadan sonra hər iki komandanın çalışdırıcısı matçla bağlı fikirlərini dilə gətirib. Azerisport.az xəbər verir ki, İspaniya yığmasının çalışdırıcısı Xose Venansio Lopes yığmamızın durumuna da toxunub:
“Oyun bütünlüklə nəzarətimiz altında keçdi. Qazaxlar çalışdılar, onları da belə gözəl oyuna görə təbrik edirəm. Deyilənə görə, Azərbaycanın da yaxşı komandası var. Amma oyunçuları arasında anlaşma elə də yaxşı deyil”.
Qazaxların çalışdırıcısı Amirjan Mukanov isə yenilgilərini belə izah edib: “Bu gün daha çətin oldu, nəinki dünən. İspanlar daha sürətli oyuna üstünlük verirlər, nəinki azərbaycanlılar. Hiss olunurdu ki, ispanlar əla vəziyyətdədilər. Buna görə də, oyunçularımda hansısa günah görmürəm”.
