27 fevral 2011 17:37
Toni Adams: Qol buraxmadığımız üçün şadam
Premyer Liqanın təsnifat mərhələsinin sonuncu - 22-ci turu çərçivəsində “Qəbələ” doğma meydanda “Gəncə” klubunu qəbul etdi və gərgin idman mübarizəsi şəraitində keçən qarşılaşma qolsuz bərabərliklə başa çatdı - 0:0. Azerisport.az xəbər verir ki, matçdan sonra komandaların baş məşqçiləri matçla bağlı bunları dilə gətirib:
Fuad İsmayılov, “Gəncə”nin baş məşqçisi: “Qəbələ”nin necə oynayacağını bilirdik. Buna uyğun taktikamızı qurmuşduq. “Qəbələ” yaxşı komandadı. Bu gün sayca azlıqda qalmağımıza baxmayaraq, komandamdan razı qaldım”.
Toni Adams, “Qəbələ”nin baş məşqçisi: “Rəqib komandanın oyunçusu meydandan qovulduqdan sonra oynamaq çətin idi. Ötən tur da belə də oldu. Futbolçu olduğum vaxtda “Galatasaray”la oyunda da eyni hal yaşanmışdı. Komandamdan göstərdiyi oyuna görə razıyam. Bugünkü oyunda qol buraxmadığımız üçün şadam”.
