28 fevral 2011 02:25
Superliqada daha bir baş məşqçi dəyişikliyi
Türkiyə Superliqasında növbəti baş məşqçi istefası gerçəkləşib. Azerisport.az xəbər verir ki, azarkeşlərlə qalmaqallarına görə daha çox gündəmə gələn “Ankaragücü”nün baş məşqçisi Ümit Özat istefa ərizəsini yazıb.
Superliqanın 23-cü turunun “Genclerbirliği” ilə oyunundan sonra postundan gedəcəyini bəyan edən mütəxəssis komandasının 2:4 hesablı yenilgisindən sonra vədinə əməl edib. Onun bu istefasını qəbul edən rəhbərlik isə artıq yeni mütəxəssislə də anlaşıb. Belə ki, “Ankaragücü”nü bundan sonra Mesut Bakkal çalışdıracaq.
O, paytaxt klubunun sükanı arxasında mövsümün sonuna kimi fəaliyyət göstərəcək. Qeyd edək ki, Bakkal 2000-ci ildə Ersun Yanalın köməkçisi kimi vaxtilə “Ankaragücü”ndə çalışmışdı. Bu dəfə isə o, kluba baş məşqçi kimi dönüb.
