28 fevral 2011 15:42
Torras: Azərbaycan məni təəccübləndirdi
Futzal üzrə İspaniya yığmasının oyunçusu Xordi Torras azerisport.az saytına müsahibəsində AÇ-2012-nin seçmə mərhələsi çərçivəsində yığmamız üzərində 8:3 hesablı qələbədən danışıb.
- Azərbaycan yığmasıyla oyun haqda nə deyərdiz?
- İlk növbədə, Azərbaycan yığmasını AÇ-2012-nin final mərhələsinə vəsiqə qazanması münasibətilə təbrik etmək istərdim. Bu gün rəqibimiz çox yaxşı oynadı və biz çox şadıq ki, belə bir komanda üzərində qələbə qazandıq.
- Görüşün belə hesabla nəticələnəciyini gözləyirdizmi?
- Etiraf edim ki, belə böyükhesablı qələbəni gözləmirdim. Ancaq bizim yaxşı komandamız var və buna görə də üstünlük bizim tərəfimizdə oldu. Birinci hissədə rəqibimiz yaxşı oynadı. Azərbaycanlılar iki qol da vurmağa nail oldular ki, buna görə hətta onlar böyük azarkeş ordusu da dəstəkləyirdi. Ancaq biz ikinci hissədə daha diqqətli oynamağa başladıq, çalışdıq ki, qol buraxmayaq.
- Bəs bütövlükdə Azərbaycan yığmasının oyununu necə qiymətləndirərdiz?
- Azərbaycanın oyunu məni təəccübləndirdi. Ümumiyyətlə, braziliyalı oyunçular həmişə güclü olurlar. Hesab edirəm ki, müdafiəni gücləndirməyə ehtiyac var. Əlbəttə ki, hücumda yaxşıdılar. Ancaq istənilən halda müdafiə daha əsas rol oynayır. AÇ-2012-yə qədər müdafiəni möhkəmləndurməlisiz.
- Yığmamızın heyətində kimin oyununu qeyd edərdiz?
- Braziliyalılar yaxşı idi. Onlara qarşı oynamaq həmişə çətindi. Yerli oyunçulardan sadəcə 14 nömrəlini (Vitali Borisovu – red.) qeyd edərdim. Onun oyunu digərlərinkindən daha çox xoşuma gəldi.
- AÇ-2012-də yenidən Azərbaycanla qarşılaşmaq istərdiz?
- Biz çempion komandayıq. Bizim üçün kimlə oynamağın elə də ciddi fərqi yoxdu. Bu, Azərbaycan da olar bilər, Rusiya da, Portuqaliya da. Bizim məqsədimiz həmişə eynidi – qələbə qazanmaq.
- İspaniya millisindəki 100-cü oyununuzu Azərbaycana qarşı keçirmiş oldunuz. Necə hissdi?
- Əlbəttə, çox gözəl duyğudu. Axı hər oyunçu 100 matç həddinə gəlib çata bilmir. Amma ən əsası odu ki, mən hələ də komandaya fayda verə bilirəm.
