28 fevral 2011 15:51
Neftçi – XL matçının vaxtı açıqlandı: 18:00
Azərbaycan kubokunun 1/4 final mərhələsinin oyunlarının keçirilmə vaxtı və yeri məlum olub. Azerisport.az xəbər verir ki, oyunlardan biri çərşənbə gününə, qalan üçü isə cümə axşamına təsadüf edəcək.
AZAL – “Turan” görüşü martın 2-də baş tutacaq. Bu oyun kimi, martın 3-də birinci divizionun lideri “Abşeron”la son ölkə çempionu “İnter”in dueli də “Şəfa” stadionunda baş tutacaq. Bu oyunla eyni saatda “Qəbələ” – “Bakı” görüşü keçiriləcək. Erkən final kimi dəyərləndirilən “Nefçti” – “Xəzər Lənkəran” matçı isə saat 18:00-da, mərkəzi arenada start götürəcək.
Azərbaycan kuboku
1/4 final
2 mart (çərşənbə)
AZAL - Turan
Bakı. "Şəfa" stadionu. Saat 16:00.
3 mart (cümə axşamı)
Abşeron - İnter
Bakı. "Şəfa" stadionu. Saat 14:00.
Qəbələ - Bakı
Qəbələ şəhər stadionu. Saat 14:00.
Neftçi - Xəzər Lənkəran
Bakı. Tofiq Bəhramov adına Respublika Stadionu. Saat 18:00.
