1 mart 2011 14:04
7 cavabsız qol buraxan komanda özünə yeni baş məşqçi tapdı
İtaliya A Seriyasının son turunda doğma meydanda “Udinese”dən 7 cavabsız qol buraxan “Palermo” baş məşqçi dəyişikliyinə əl atıb. Azerisport.az xəbər verir ki, biabırçı yenilgidən dərhal sonra Delio Rossini istefaya göndərən klub rəhbərliyi artıq ona əvəzləyici də tapıb.
Bundan sonra onun komandadakı işini Serse Kosmi davam etdirəcək. Qeyd edək ki, bu mütəxəssis ötən ilin aprel ayında “Livorno”dan qovulandan bəri işsiz idi. 52 yaşlı mütəxəssis “Perugia”, “Udinese”, “Genoa” və “Brescia”da da çalışıb.
Onun əvəzlədiyi Rossi isə Siciliyaya 2009-cu ilin noyabrında gəlmişdi. “Lazio”nun sabiq çalışdırıcısı “Palermo”nu Avropa Liqasını qrup mərhələsindən çıxara bilməsə də, İtaliya kubokunun yarımfinalına çıxarmışdı. "Palermo" İtaliya çempionatının geridə qalan 27 turu ərzində 40 xal toplamaqla 8-ci pillədə qərarlaşıb.
