2 mart 2011 13:16
Nikolovdan Nəqliyyat və Ekologiya nazirliyinə irad
“İnter”in prezidenti Georgi Nikolov “Şəfa” stadionunun hazırkı durumu ilə bağlı münasibətini açıqlayıb. Azerisport.az xəbər verir ki, o, bunları dilə gətirib:
“Yolun səs-küyünə necəsə öyrəşirsən, ancaq benzin buxarına, kimyəvi tullantılara, naməlum iylərə öyrəşmək doğrudan da pisdi. Allah bilir nə ilə nəfəs alırıq. Bu havanın tərkibi yəqin ki, necəsə ekzotikdi. Ekologiya nazirliyi mənim 3 il qabaqkı sorğularımı hələ də cavablamayıb.
Mülkləri yaxınlıqda yerləşən sahibkarlar zəhərli emulsinin yayılmaması üçün hər şey etməlidilər. Axı “Şəfa”da top qovanların arasında onların öz uşaqları da ola bilər.
Əgər Nəqliyyat nazirliyi də uşaqların təhlükəli yolu keçməməsi üçün yaxınlıqda yerüstü keçid inşa etsə, onda “Şəfa” cənnət olmasa da, futbol azarkeşləri üçün cənnətin astanası olar”.
