2 mart 2011 16:36
AFFA-nın büdcəsini Fariz Yusifov doldurur
Azerisport.az Premyer Liqanın “altılığ”a qədərki təsnifat mərhələsiylə bağlı statistik araşdırmalarını davam etdirir. Bundan əvvəlki araşdırma yazımızda sizi AFFA-ya daha çox cərimə ödəmək məcburiyyətində qalan klublarla tanış etmişdik. Bu dəfə isə, klubları həmin cərimələrlə baş-başa qoyan hakimlərin bu yoldakı “fəaliyyətindən” söz açacağıq.
Xəbər verdiyimiz kimi, geridə qalan 22 tur ərzində elita təmsilçiləri AFFA-nın büdcəsinə bütövlükdə 110600 manat cərimə ödəyiblər. Bunun 55 600-ü futbolçuların aldığı sarı və qırmızı vərəqələrə görə ödənilibsə, yerdə qalan 55 mini də digər müxtəlif qayda pozuntularına görə tutulub.
Yuxarıda sadalanan cərimələrin əsas səbəbkarlarına gəlincə, 22 tur ərzində baş tutan 132 oyunu bütövlükdə 14 baş hakimin idarə etməsindən də xəbərdarsız. Onların arasında cəmi 1 oyun idarə edən Əmrah İbrahimov AFFA-nın büdcəsinə heç bir gəlir gətirə bilməyib ki, bu da hardasa başadüşüləndi. Lakin onunla yanaşı Rauf Cabbarov da təyinat aldığı 7 görüşdə heç bir klubu sərt cəzalara qonaq etməyib ki, bu bir qədər təəccüblü görünür.
Məsələ burasındadı ki, Cabbarovdan da 1 oyun az idarə edən Elvin Əsgərov Premyer Liqa klublarını cərimə ödəməyə məcbur edən hakimlərin sıralamasında 4-cü yerdə gedir. Maraqlıdı ki, o, 22 tur ərzində özündən də çox təyinat almış bir neçə hakimdən daha çox AFFA-ya xeyir verməyi bacarıb.
Federasiyaya ən çox xeyir verən hakimlərə gəlincə, bu siyahıya FİFA referisi Fariz Yusofov başçılıq edir. Onunla yanaşı digər FİFA referimiz Vüsal Əliyev də ön sıralarda qərarlaşıb. Klubları 28600 manat cərimə ödəməyə məcbur edən Yusifovdan azca geri qalan Əliyev isə quruma 24600 manat xeyir gətirib. Lakin maraqlıdı ki, onlardan da çox (17) oyun idarə edən Elçin Məmmədov bu mənada AFFA-ya elə də çox fayda verə bilməyib.
|
Hakim (oyun)
|
Vərəqələrə görə
|
Digər səbəblərə görə
|
Cəmi
|
|
Fariz Yusifov (15)
|
12600
|
16000
|
28600
|
|
Vüsal Əliyev (15)
|
9600
|
15000
|
24600
|
|
Elçin Məmmədov (17)
|
7200
|
6000
|
13200
|
|
Elvin Əsgərov (6)
|
9200
|
2000
|
11200
|
|
Rövşən Əhmədov (13)
|
4000
|
5000
|
9000
|
|
Anar Salmanov (10)
|
4000
|
4000
|
8000
|
|
Ramil Diniyev (10)
|
2200
|
5000
|
7200
|
|
Elnur Muradov (10)
|
3000
|
-
|
3000
|
|
Rəhim Həsənov (5)
|
2200
|
-
|
2200
|
|
Ceyhun Haşımov (11)
|
-
|
2000
|
2000
|
|
Əfqan Həmzəyev (10)
|
1400
|
-
|
1400
|
|
Əliyar Ağayev (2)
|
200
|
-
|
200
|
|
Rauf Cabbarov (7)
|
-
|
-
|
-
|
|
Əmrah İbrahimov (1)
|
-
|
-
|
-
|
|
CƏMİ
|
55600
|
55000
|
110600
|
