2 mart 2011 17:49
AZAL Turan üzərində inamlı qələbəylə başladı (YENİLƏNİB)
Bu gün Azərbaycan kubokunda 85 günlük fasilə başa çatıb. Azerisport.az xəbər verir ki, 1/4 final mərhələsinin ilk oyun günündə cəmi qarşılaşma baş tutub.
Digər 1/4 final cütlərindən fərqli AZAL ilə “Turan” münasibətlərinə məhz bu gün aydınlıq gətiriblər. Maraq üçün bir məqamı xatırladaq ki, Premyer Liqanın cari mövsümündə bu komandaların duellərində sevinən tərəf AZAL olmuşdu: evdə 1:0, səfərdə 3:1. Elə kubok mücadiləsində də gözlənildiyi kimi, Nazim Süleymanovun komandası iki cavabsız qolla qalib gələrək, cavab görüşü öncəsi üstünlük əldə ediblər.
Azərbaycan kuboku
1/4 final (ilk oyun)
2 mart
AZAL – TURAN - 2:0 (2:0)
Qollar: Qvidas Yuşka, 41 (1:0), Nuqzar Kvirtiya, 44 (2:0).
Hakimlər: Ramil Diniyev, Coşqun Həsənov, Munis Abdullayev, Rauf Cabbarov.
Bakı. "Şəfa" stadionu.
Oyun başladı
AZAL oyunun ilk dəqiqələrindən daa fəaldı
AZAL-da Qvidas Yuşkanın cərimə zərbəsi təhlükəli olsa da, qolla nəticələnmir
Bliznyukun (A) zərbəsi də təhlükəli olmasına rəğmən, qol gətirmir
Görüşün baş hakimi artıq iki dəfə futbolçuları cəzalandırmaq məcburiyyətində qalsa da, qol yoxdu
Yasin Abbasov "Turan"ı hesabda öndə keçirməyə yaxın olsa da, inanılmaz şəkildə yaxın məsafədən fərqlənə bilmir
Əvəzində AZAL hesabı açır. Yuşka meydan sahiblərini hesabda önə keçirir - 1:0
"Turan" özünə gəlməmiş "təyyarəçilər" Kvirtiyanın sayəsində ikinci qola sevinir - 2:0
İlk yarı başa çatdı
İkinci hissə başladı
"Turan" ikinci hissəyə nisbətən fəal başlayıb
Qonaqlar AZAL-ın qapısı qarşısında ciddi təhlükə yaratsa da, bunu qola çevirə bilmirlər
İkinci hissə başlayan bəri qonaq komandanın azarkeşləri hakimin idarəçiliyindən narazılıqlarını bildirirlər
Matç kifayət qədər sərt mübarizə şəraitində keçir
"Turan" müdafiəyə çəkilən AZAL-ın qapısı önündə iki təhlükəli qol vəziyyəti yaratsa da, yararlana bilmir
Matç başa çatdı
Qeyd edək ki, 1/4 finalın digər cütündə aşağıdakı komandalar qarşılaşır ki, bu oyunlar da sabah keçiriləcək: Abşeron – İnter, Qəbələ - Bakı, Neftçi - Xəzər Lənkəran.
