2 mart 2011 12:39
AFFA-ya ən çox cərimə ödəyən klublar müəyyənləşdi
Azerisport.az Premyer Liqanın təsnifat mərhələsinin nəticələri, baş verən olaylarla bağlı statistik araşdırmalarını davam etdirir. Bu dəfə AFFA-nın büdcəsinə daha çox pul qazandıran, hamıdan artıq cərimə olunan klublardan söhbət açacağıq.
Geridə qalan 22 tur ərzində elita təmsilçiləri AFFA-nın büdcəsinə bütövlükdə 110600 manat cərimə ödəyiblər. Bunun 55600-ü futbolçuların aldığı sarı və qırmızı vərəqələrə görə ödənilibsə, yerdə qalan 55 mini digər müxtəlif qayda, qanun pozuntularına görə tutulub.
Asossiasiyanın büdcəsinə ən çox xeyir verən klub isə “Xəzər Lənkəran”dı. Belə ki, aşağıdakı cədvəldən də göründüyü kimi, bölgə təmsilçisi elita klubları arasında daha çox (38 min manat) ziyana düşüb. Bunun da böyük hissəsi futbolçuların aldığı vərəqələrə görə yox, komandanın ev oyunları zamanı stadionda baş verən müxtəlif tipli qanun pozuntularına, klub rəsmilərinin qaydalara əməl etməməsinə görə ödənilib.
Bu mənada “Xəzər Lənkəran” hətta ən yaxın izləyicisi olan “Bakı”dan belə ikiqat artıqlamasıyla fərqlənir. Cəmi 12 800 manat cərimə ödəyən paytax klubunun bu vəziyyətini hardasa başa düşmək olar. Axı cari mövsüm bu komandanın işləri heç də yaxşı getmir. Özü də maraqlıdı ki, həmin cərimələr də daha çox bu paytaxt klubunun üzvlərinin aldığı vərəqələrdən qaynaqlanır. Halbuki, lider “Neftçi”nin təqibçisi olan “Xəzər Lənkəran”ın belə bu baxımdan göstəricisi “Bakı”nınkından aşağıdı (8000 – 11 800).
Cari mövsüm sərgilədiyi oyun və qazandığı nəticələrlə heç də pis təsir bağışlamayan AZAL və “Qarabağ” isə AFFA-ya cərimə ödəmək baxımından da ən aşağı göstəriciyə malik olmasıyla diqqət çəkir. Maraqlıdı ki, “təyyarəçilər” 22 tur ərzində cəmi 1200 manat ziyana düşdüyü halda, Ağdam təmsilçisi cəmi bir dəfə cərimə ödəmək məcburiyyətində qalıb ki, onun da məbləği 1000 manat olub.
Sonda onu da qeyd edək ki, XL digər səbəblərə görə daha çox cərimə ödəyən klub olduğu halda, onun əsas izləyicisi “Bakı” da vərəqələrə görə ən çox ziyana düşən elita təmsilçisidi. Hansı ki, bu aqibəti bütün klublar yaşayıb. MOİK, “Qəbələ”, “Muğan”, “Simurq”, “Qarabağ” və AZAL isə heç vaxt kənar amillərə görə AFFA-ya cərimə ödəməyib.
Klubların AFFA-ya ödədikləri cərimələr
|
Komanda
|
Vərəqələrə görə
|
Digər səbəblərə görə
|
CƏMİ
|
|
Xəzər Lənkəran
|
8000
|
30000
|
38000
|
|
Bakı
|
11800
|
1000
|
12800
|
|
Neftçi
|
3000
|
8000
|
11000
|
|
MOİK
|
9400
|
-
|
9400
|
|
Qəbələ
|
9000
|
-
|
9000
|
|
Turan
|
1200
|
7000
|
8200
|
|
Gəncə
|
3400
|
4000
|
7400
|
|
İnter
|
2000
|
5000
|
7000
|
|
Muğan
|
3400
|
-
|
3400
|
|
Simurq
|
2200
|
-
|
2200
|
|
AZAL
|
1200
|
-
|
1200
|
|
Qarabağ
|
1000
|
-
|
1000
|
|
CƏMİ
|
55600
|
55000
|
110600
|
