4 mart 2011 11:58
Foqts: Əsas şərt onun topla oyunu yox, topsuz necə hərəkətidi
Futbol üzrə Azərbaycan yığmasının baş məşqçisi Berti Foqts blitz-müsahibəsində gəlişinin səbələri haqqında, Elnur Abdullayevin niyə ona xoş gəlməməsi və “Neftçi” - “Xəzər-Lənkəran” oyunu barədə danışıb. Azerisport.az həmin müsahibəni təqdim edir.
- Bakıya bu gün gəlmişəm. AFFA prezidenti və klubların baş məşqçiləri ilə görüşmək niyyətindəyəm, deyə Foqts söhbətə başlayıb.
- Siz İcraiyyə komitəsində legionerlərə limitin məhdudlaşdırılması ilə bağlı təkliflərinizi irəli sürmüsüz?
- Bəli, mən artıq öz fikrimi demişəm. Indi mən İcraiyyə Komitəsinin qərarını gözləyirəm.
- Belçika ilə oyun ərəfəsində komanda daha bir oyun keçirəcək?
- Bizim buna vaxtımız yoxdu.
- Komandaya yeni oyunçuların çağırılması gözlənilir?
- Məgər bizim yenioyunçularımız var?
- Bəli, məsələn Elnur Abdullayev.
- O, yeni oyunçu deyil. Mən onu yığmaya çağırmışdım və o, mənim xoşuma gəlmədi.
- Ancaq son vaxtlar o, yaxşı oyun göstərir.
- Bu, mənim üçün göstərici deyil. Əsas şərt onun topla oyunu yox, topsuz necə hərəkətidi.
- “Neftçi” - “Xəzər-Lənkəran” oyununa baxdınız?
- Təəssüf ki, Almaniya kanalları bu oyunu yayımlamırdılar. Həm də, mən yolda idim. Çox güman ki, Lənkərana cavab qarşılaşmasına gedəcəyəm.
